Hyponic 是一隊來自本地的 Death/Doom Metal 樂隊，由於成員已被不少東南亞及歐州金屬雜誌訪聞，所以現今 Hyponic 在國際間的地底音樂界已有一定的知名度. Black Sun 2001 (Self Release) 這是 HYPONIC 的第一張自資大碟，是一張極出色的 Death/Doom Metal EP。這張 EP 的音樂在帶出殘酷既 Death 味道時，但又無損歌曲那種 Doom 既味道，亦令我想起了早期的 AMORPHIS 及 DARKTHRONE 的第一張 Death Metal 大碟 Soul Side Journey，氣氛好正！講講音樂既質素, 結他 riff 的確好爽而有技巧，旋律方面，音樂本身雖然是殘酷，但係又好動聽, 節奏變化多的確是一件好事，絕對唔會一味得個快。我個人亦覺得這張唱碟既歌曲絕對帶有一種靈魂，這一點是很多 Death Metal 樂隊都俾唔到我的！好多 Death Metal 樂隊既技巧係一流，但有時我覺得他們的歌曲確實欠缺一靈魂，聽後有如一陣風似的，但怎樣也好，也許是因為風格有所不同令我有此感覺，而且本人對 Death Metal 始終唔係話太過熟行，所以這個始終是個人意見！Third 可算是這張 EP 中我最喜歡的一首歌曲, 音樂尾升的那一段真係好正，帶出了一種荒涼凄冷的感覺，一種好特別既 Doom 味道，正！全碟只得六隻歌，但有33分鐘長，而每首歌都好正及有其意思，另外我亦知道這張 EP 在 2002 年時已所剩無幾，但我就好榮幸得到這張巨著，真高興！如果你仲在 Somewhere 見到這張大碟，你就一定要買了，否則後悔莫及！Hyponic, 香港 extreme metal 既先鋒，現今亦有了國際知名度，希望佢地可以繼續創造有誠意既音，而我亦好其待睇佢地既現場表演及下一張大碟，希望他們繼續努力！